दैनंदिन राशीभविष्य: प्रचंड खर्चाचा आणि कष्टाचा आजचा दिवस; तुमच्या राशीला तर त्रास नाही ना?
आज मार्गशीर्ष कृष्ण चतुर्दशी. आज रात्री ७.१४ नंतर अमावस्या प्रारंभ होईल. चंद्र आज वृश्चिक राशीत भ्रमण करीत असून सायंकाळनंतर धनू राशीत प्रवेश करेल पाहूया आजचे राशी भविष्य.
मेष- अष्टम स्थानात आलेला चंद्र अनेक घडामोडी घडवेल. गृहसौख्य कमी मिळेल. मेहनत करून यश प्राप्त होईल. भाग्यातील शुक्र आज विशेष खरेदीचे योग आणणार आहे. बरा दिवस.
वृषभ- व्यय स्थानात आलेला राहू शरीर कष्ट देणारा असून राशीतील मंगळ अनेक खर्च व अडचणी देईल. स्वभावात तेज येईल. व्यवसायात त्रास होईल . मात्र गुरूचे पाठबळ मिळेल .जोडीदाराशी जुळवून घ्या. दिवस मध्यम .
मिथुन- गुरू दशम स्थानात असून कार्य सिद्धी करण्यास मदत करेल . प्रवास, भेटीगाठी होतील. चंद्र षष्ठ स्थानात आहे. अचानक घरामध्ये काम वाढेल. आर्थिक व्यय होण्याचे संकेत आहेत. प्रकृती जपा. दिवस चांगला .
कर्क- चंद्र पंचम स्थानात सप्तम शनी जपून राहा असे संकेत देत आहे. आर्थिक नुकसान व कार्यालयात विशेष घटना घडतील.संतती कडे लक्ष द्या. धार्मिक कार्यक्रमात भाग घ्याल. दिवस उत्तम आहे.
सिंह- राशीच्या व्यक्तींचा अधिकारी व्यक्ती सोबत मतभेद होण्याचे संकेत आहेत. जपून रहा.मित्र मंडळी पासून अनेक लाभ होतील. प्रकृती जपा. चंद्र, रवि बुध अधिकार प्राप्ती करून देतील. दिवस उत्तम.
कन्या- पंचम शनी आणि अष्टम राहू एकूण मध्यम फळ देतील.संतती चिंता वाटेल. आर्थिक नुकसान संभवते. डोळ्यांची काळजी घ्या. भावंडं भेट होईल.प्रवासात फारसा त्रास करून घेऊ नका. दिवस मध्यम.
तुला- आज चंद्र धन स्थानात असून भाग्य साथ देईल. अचानक कुठून तरी चांगली बातमी मिळेल .खर्च होईल व्यवसाय आणि वैवाहिक जीवनासाठी मध्यम दिवस आहे.
वृश्चिक- आज दिवस मध्यम आहे. गृह सौख्य, जोडीदार ,संतती या बाबत मिश्र फळ देईल. मित्र भेट घडवेल. राशीतील चंद्र नीच अवस्थेत आहे.प्रकृतीची काळजी घ्या. आर्थिक गणित बिघडू शकते. दिवस मध्यम आहे.
धनु- द्वितीय स्थानात शनि कुटुंबात मतभेद घडवून आणेल. लांबचे प्रवास योग येतील . साहसी स्वभाव होईल. संतती चिंता लागून राहिल. व्यय चंद्र नुकसान घडवेल. संयम बाळगा. दिवस मध्यम.
मकर- आता जरा शांतता आणि स्थैर्य मिळेल. र चंद्र वृश्चिक राशीत असून घरामध्ये काही गडबड राहील. कौटुंबिक समारंभ होतील. वैवाहिक सुख मिळेल. दिवस उत्तम.
कुंभ- व्यय स्थाना मध्ये शनि आहे. अचानक स्वभावात बदल होईल. प्रवास योग येतील . कार्य करण्याची इच्छा होईल . रवि बुध कार्य घडवून आणेल . कार्यालयीन आणि आर्थिक घडामोडी होतील. दिवस मध्यम आहे.
मीन- भाग्य स्थानात चंद्र आणि राशीतील गुरू अशी ग्रहस्थिती कौटुंबिक जीवनात आनंद दाखवत आहे.आज घरात समारंभ होईल. जास्तीची काम येतील . आर्थिक लाभ होतील. दिवस उत्तम.
