नोव्हेंबरमध्ये ३ ग्रहांचे होणार राशी बदल,या राशींना मिळणार शुभ लाभ तर काहींना असेल अशुभ
नोव्हेंबर २०२१ मध्ये तीन मुख्य ग्रह राशी बदलणार आहेत. या महिन्याच्या सुरुवातीला २ नोव्हेंबरला बुध ग्रह कन्या राशीतून तूळ राशीत जाईल आणि २१ नोव्हेंबरला तो तूळ राशीतून वृश्चिक राशीत जाईल. नोव्हेंबरमध्ये सूर्य १६ तारखेला तूळ राशीतून निघून वृश्चिक राशीत प्रवेश करेल, तर बृहस्पति २० नोव्हेंबर रोजी कुंभ राशीत प्रवेश करेल. या तीन ग्रहांच्या राशी बदलल्याने कोणत्या राशीला अधिक फायदा होईल हे जाणून घेऊया…
मेष- या महिन्याच्या सुरुवातीला तूळ राशीतील बुध ग्रहाचे संक्रमण तुमच्या वैवाहिक जीवनात चांगले बदल घडवून आणेल, जर तुमच्या जोडीदारासोबत काही वाद होता, तर ते यावेळी दूर होऊ शकतात. २० नोव्हेंबरला तुमच्या अकराव्या स्थानी गुरूचा प्रवेश तुम्हाला महिन्याच्या शेवटी करिअर आणि व्यवसायात चांगले परिणाम देईल. या काळात रखडलेल्या योजना यशस्वीही होऊ शकतात. २२ नोव्हेंबर रोजी बुध तुमच्या आठव्या स्थानी प्रवेश करेल, यामुळे अचानक मेष राशीच्या लोकांना धन मिळू शकते.
कर्क- या महिन्यात, बुध ग्रह महिन्याच्या सुरुवातीला तुमच्या चौथ्या स्थानी संक्रमण करेल, ज्यामुळे कुटुंबातील समस्या दूर होतील. या काळात तुम्हाला तुमच्या बुद्धिमत्तेच्या कौशल्याने तुमच्या करिअर क्षेत्रात चांगले परिणामही मिळतील. महिन्याच्या मध्यात तुमच्या पाचव्या स्थानी सूर्याचे भ्रमण असल्यामुळे या राशीच्या लोकांना शैक्षणिक क्षेत्रात अनुकूल परिणाम मिळतील.
जे लोक राजकारणाच्या क्षेत्राशी संबंधित आहेत त्यांच्यासाठी सूर्याचा वृश्चिक राशीत प्रवेश खूप चांगला असू शकतो. या २२ नोव्हेंबरला बुधाचे वृश्चिक राशीत होणारे संक्रमण बुधादित्य योग तयार करेल, ज्यामुळे तुम्हाला शिक्षण आणि करिअर दोन्हीमध्ये चांगले परिणाम मिळतील.
कन्या- कन्या राशीच्या लोकांचे भाषाशैली आणि धैर्य या महिन्यात वाढेल. बुध प्रथम तुमच्या दुसऱ्या स्थानी आणि नंतर तिसऱ्या स्थानी संक्रमण करेल, तर सूर्य ग्रह तुमच्या पराक्रमाच्या तिसऱ्या स्थानी संक्रमण करेल. जे लोक साहसी काम करतात त्यांना वृश्चिक मध्ये बुध-सूर्याच्या प्रवेशामुळे फायदा होईल. या महिन्यात बृहस्पति तुमच्या आठव्या स्थानी संक्रमण करेल, ज्याला अनिश्चिततेचे घर म्हटले जाते, या घरात बृहस्पतिच्या उपस्थितीमुळे तुम्हाला अचानक लाभ मिळू शकतो. या राशीचे लोक त्यांच्या बोलण्याच्या प्रभावाने सामाजिक स्तरावर सकारात्मक ओळख निर्माण करू शकतील.
मकर- नोव्हेंबर हा महिना तुमच्या इच्छा पूर्ण करणारा ठरेल. या महिन्यात बुध तुमच्या दहाव्या आणि अकराव्या स्थानी प्रवेश करेल, महिन्याच्या सुरुवातीला बुध तुमच्या दहाव्या स्थानी असेल, ज्यामुळे तुम्ही करिअर क्षेत्रात चांगले काम कराल, पण तुम्हाला त्याचा लाभ तेव्हा मिळेल जेव्हा २२ नोव्हेंबरला बुध ग्रह तुमच्या शुभ स्थानी प्रवेश करेल. दुसरीकडे, कुंभ राशीत गुरुच्या प्रवेशामुळे तुमच्या बोलण्यात स्पष्टता येईल. सूर्याच्या भ्रमणामुळे तुम्हाला प्रत्येक क्षेत्रात मोठ्या भावा-बहिणींचे सहकार्य मिळेल.
