एका चित्रपटामुळे रातोरात स्टार बनला होता हा अभिनेता, बाल कलाकार ते आतापर्यंत खूप बदलला आहे लुक….

चॉकलेट चेहर्याचा अभिनेता जुगल हंसराजने एकेकाळी सर्वांना वेड लावले होते. त्यांचा ‘पापा कहते हैं’ हा चित्रपट सर्वाना लक्षातच असेल. जुगल यांना अजूनही ‘घर से निकलते ही ..’ या गाण्यासाठी आठवले जाते.

नायक म्हणून त्याचे काम सर्वांना आवडले पण लवकरच ते फिल्म इंडस्ट्री मधून गायब झाले. 26 जुलै रोजी जुगल हे आपला वाढदिवस साजरा करीत आहे. या निमित्ताने जाणून घेऊया त्यांच्याशी संबंधित काही खास गोष्टी…

जुगल हंसराज यांनी वयाच्या नऊव्या वर्षी ‘मासूम’ या चित्रपटाद्वारे बाल कलाकार म्हणून पदार्पण केले. 1982 मध्ये प्रदर्शित झालेल्या या चित्रपटामध्ये नसीरुद्दीन शाह आणि शबाना आझमी मुख्य भूमिकेत होते.

चित्रपटात जुगल हंसराज यांचा बालिश पणा लोकांना चांगलाच पसंत आला होता. यानंतर त्यांनी बाल कलाकार म्हणून ‘कर्मा’, ‘सल्तनत’, ‘झूठा सच’ यासह अनेक चित्रपट केले.

1994 मध्ये जुगल हंसराज यांनी ‘आ गले लग जा’ या चित्रपटात मुख्य भूमिका साकारली होती. या चित्रपटात त्यांच्या सोबत उर्मिला मातोंडकर होत्या. विशेष म्हणजे, जुगल यांच्या पहिला चित्रपट ‘मासूम’ मध्ये उर्मिला मातोंडकरदेखील होत्या. जुगलचा दुसरा चित्रपट ‘पापा कहते हे’ 1995 मध्ये रिलीज झाला होता. या मध्ये त्याच्याबरोबर मयुरी कॉंगो होती.

बऱ्याच वर्षांनंतर जुगल हंसराज यांनी ‘मोहब्बतें’ चित्रपटाद्वारे मोठ्या पडद्यावर पुनरागमन केले. यानंतर ते ‘कभी खुशी कभी गम’, ‘सलाम नमस्ते’, ‘आ जा नाचले’, ‘प्यार इंपॉसिबल’ आणि ‘कहानी 2’ मध्ये दिसले. चित्रपटांव्यतिरिक्त जुगल यांनी टीव्ही इंडस्ट्रीमध्येही काम केले आहे. त्यांनी ‘रिश्ता डॉट कॉम’ आणि ‘ये है आशिकी’ या टीव्ही कार्यक्रमांमध्ये भूमिका साकारलेल्या आहेत.

जुगल हंसराज यांनी 2014 मध्ये जैसमीन ढिल्लनशी लग्न केले. जैसमीन ही न्यूयॉर्कमधील गुंतवणूक बँकर आहे. जुगल न्यूयॉर्कमध्ये कुटुंबासह स्थायिक झाले आहे. या जोडप्याला एक मुलगा आहे. जुगल चित्रपटात क्वचितच दिसतात, पण सोशल मीडियाच्या माध्यमातून ते चाहत्यांशी जोडलेले आहेत.

अशाच माहितीसाठी आमचे पेज नक्की लाईक करा.